राष्ट्रीय ग्रंथपाल दिनाच्या निमित्ताने...
भारतीय ग्रंथालय चळवळीचे जनक डॉ.एस.आर.रंगनाथन यांच्या जयंतीनिमित्त (12 ऑगस्ट) राष्ट्रीय ग्रंथपाल दिन साजरा करण्यात येतो. यानिमित्ताने वाचनसंस्कृती टिकावी आणि दिवसेंदिवस ती वृध्दींगत व्हावी यासाठी ग्रंथालयाचे असलेले महत्व आणि डॉ.रंगनाथन यांचे कार्य याविषयी घेतलेला आढावा... तंजावर जिल्ह्यातील शियाळी गावात डॉ. शियाळी रामामृत रंगनाथन यांचा जन्म झाला. त्यांचं महाविद्यालयीन शिक्षण मद्रासच्या ख्रिश्चन कॉलेजमध्ये झालं. त्यांना इंग्रजी वाङ्मयात प्रथम श्रेणीत पदवी मिळाली. संस्कृत विषयाचीही त्यांना मनापासून आवड. पुढे एम. ए.साठी त्यांनी गणित हा ऐच्छिक विषय घेतला. यातही त्यांना उच्च श्रेणी मिळाली. त्यानंतर अध्यापनशास्त्राची एल. टी. ही परीक्षा उत्तीर्ण झाल्यावर मंगलोर आणि कोईमतूर येथे गव्हर्नमेंट कॉलेजमध्ये आणि नंतर प्रेसिडेन्सी कॉलेज मद्रास येथे गणिताचे प्राध्यापक म्हणून त्यांनी काम केले. गणित शिकवताना त्यांच्या असं लक्षात आलं की, या विषयाची गोडी लागण्याकडे कोणीच लक्ष देत नव्हते. ही उणीव भरून काढण्यासाठी त्यांनी महाविद्यालयाच्या ग्रंथालयात गणितावरील नवन...